Okkur langar að ferðast meira og það hefst ef allir kjósa mig daglega í þessum leik...
http://www.greatestholiday.radissonblu.com/saevar-steinarsson/887132/

Hér er ég, hér er ég góðan daginn daginn daginn.

Mikið er nú gaman að lesa fréttir að heiman og sjá að Lýsing og SP fá nú að bragða á eigin óþverrabrögðum.

Þá er bara að vona að þetta sé jafn gott og þetta hljómar því ef svo er á ég landróverinn skuldlausan... kanski ég skutlist þá bara uppeftir og nái í hann, fínt að hafa bíl á þessum ferðalögum okkar... 

En lífið gengur sinn vanagang,  maður vaknar, gerir morgunmat, eldar hádegismat, fer á ströndina, eldar kvöldmat og fer að sofa, svona er dagurinn í grófum dráttum, en undanfarið er búið að vera frekar rólegt, vorum ein í kofanum síðustu viku, og núna er einn strákur hjá okkur sem borðar bara samlokur og þessháttar þannig að við höfum smá auka tíma á ströndinni með Ipod og bók, það er svooo notalegt.

Þartil næst skulum við rifja upp Hemma gamla.... verið hress, ekkert stress..... Bless !

Við erum hérna í góðu yfirlæti, voða notalegt og veðrið búið að vera alveg frábært, sól og blíða og 30 stiga hiti og svöl gola frá sjónum... þar til núna í fyrradag.
Það byrjaði að hellirigna og þvílíka hellidemban, maður varð gegnsósa við að kíkja útfyrir.
Venjulega þegar svona svaka dembur koma hérna við miðjarðarhafið þá varir það bara stutt, max 10 min. en í fyrradag stoppaði það ekki í 3-4 klukkutíma og allt fór á flot, við vorum úti á sundfötunum um 10 um kvöldið að moka vatni svo að það flæddi ekki inn, byggðum svo tjald yfir svalirnar og náðum að forða stórflóði, en á meðan var ég berfættur á sundskýlunni að vaða vatn upp á miðja kálfa. mjög spes að lenda í svona, en við sluppum betur en margir aðrir, um 20 manns létust og margir týndir og fleyri slasaðir, bílar flutu um í nágrannabæjum og liggja einsog hræ á hvolfi inn í húsagörðum og gangstéttum.
Mörg íbúðarhús eru ónýt, 175þúsund heimili eru búin að vera rafmagnslaus þarmeð talið við, T.d vorum við rafmagnslaus í 10 tíma í dag (Fimmtudag) og búið að vera vatnslaust í 14 tíma og mig er farið að langa í sturtu.
En við erum það ofarlega í bænum þannig að við sluppum vel þó það verði að viðurkennast að þetta var pínu gaman meðan ringdi sem mest, það er eitthvað við það að vera rennblautur, logn og frekar hlýtt úti að vaða í garðinum, ekki það að ég vilji meira, bara gaman að hafa upplifað þetta.

Bestu kveðjur frá frá Cote´azur

Við erum enn í góðu yfirlæti í Sainte Maxime.
Sólin skín en hitinn er ekki jafn óbærilegur og í flórens, gott að hafa golu frá sjónum og komast á ströndina án þess að þurfa að hanga klukkutíma í lest.
Ekki skemmir að hafa bíl til að geta rúntað um svæðið þegar lítið er að gera.
Síðustu daga höfum við bara verið ein í húsinu, gera hitt og þetta, mála aðeins og sjæna, en við höfum
líka verið að njóta lífsins, kíktum til Marseilles, sem er mjög töff borg, tæpa tvo tíma frá okkur í vesturátt.
Fundum þar lítinn veitingasað og fengum okkur fiskisúpu, ekki annað hægt því téðar súpur eru hryllilega góðar
á þessu svæði.

En allt tekur einhverntímann enda og nú tekur alvaran við, fáum fólk á morgun og svo er það nánast stanslaust til lok júlí með nokkrum dögum tóm inná milli.
Það er fínt að hafa eitthvað að gera, verður leiðinlegt til lengdar að hafa ekkert betra að gera en að ferðast um og dýfa sér í sundlaugina, þó það sé nú voða þægilegt

Einhverjar myndir eru alveg að fara að koma á fésbókina, þeas þegar ég finn kortalesarann, man ekkert hvar hann er, ætlað spurja Ingu, hún veit allt svona.

En svo er stóra spurningin, hvað á maður að gera í haust, verðum hér til lok október, er það annað skíðasíson og á maður að kíkja í heimsókn þarna upp til öskulands í millitíðinni, eða bara pakka niður og finna nýjan stað að kanna. það verður líklega ákveðið í september... borgar sig ekkert að plana of langt framí tímann...

En það er spurning hvort manni langar yfirhöfuð heim í heimsókn... símafyrirtækin voru með svaka díl um síð. helgi, frí símtöl til útlanda.  Við dustuðum rykið af símanum okkar og biðum.... og biðum... og biðum....
Mamma og sonja hringdu, og amma hennar ingu... svei ykkur hin :)

Oh well, annars erum við bara góð, orðin sólbrún og sæt og búin að eyða góðum tíma í litla gymminu sem er hérna í húsinu.

Bestu kveðjur frá franslandi.

Hóóó
Er ekki kominn tími á að láta aðeins vita af okkur.
Við erum búin með góða vertíð í frönsku ölpunum þarsem við vorum að reka skíðaskála og skíða gríðarlega mikið. En nú er komið sumar og allur snjór farinn, þá er bara málið að skella sér á ströndina.
Hitinn hjá okkur er í 25 stigum á daginn og fer hækkandi... sem er gott.

Við erum semsagt stödd í bæ sem heitir sainte maxime, er staðsettur í sama flóa og st.tropez (hinumegin í firðinum)
Þessi staður er í klukkutíma keyrslu frá Cannes, í vesturátt.
Þetta er rosa krúttlegur strandbær, allt morandi í flottum snekkjum í bryggjunni, og það þykir voða fínt að vera hér á snekkju... (Beoncé og Jay z  og þessháttar lið eru víst oft hér á snekkjum)

Við erum hér í góðu yfirlæti að reka sumarhús, elda mat ofl. húsið er geggjað, risa höll, sundlaug og allt sem "þarf" á svona stað....
Fólkið er mjög næs, karlinn er Enskur Lávarður og var einusinni kapteinn í heiðurslífvarðasveit drottningar... þeas ekki alvöru lífverðir heldur er þetta svona "montklúbbur heldri manna"  Myndir af gamla um allt hús með drottningunni og fleirum úr þeirri famelíu....
En fyrir mér er hann bara annar "Jaaaáááhhhh" kall ;)

Einnig stofnaði hann Formúlu1 lið nítjánhundruðsjötíu og eitthvað og smíðaði mótorhjól í sínu nafni og eru enn framleidd 2 mótorhjól á ári undir hans nafni.

Þetta hús var hótel fyrir nokkru síðan... þau bara keyptu allt húsið og nota það sem sumarhús...
Það eru ennþá uppl um húsið á netinu... hér er td síða á booking.com  fyrir þá sem nenna að skoða myndir af kofanum.

http://www.booking.com/hotel/fr/villagrimaldi.en.html

Þarsem þau nota kofann einungis fyrir sig og sína fjölskyldu, þeas kotið er ekki leigt út, þá verðum við soldið mikið ein hérna í sumar, þau fara td héðan um næstu helgi og þá verðum við í 2-3 vikna fríi í húsinu, busla í lauginni og þessháttar erfiði.

Kosturinn er að við erum samt á launum, þau sjá hag í að hafa einhvern hér þannig að allt standi ekki autt svo vikum skiptir til að freista ekki innbrotsþjófa.

Þannig að við stefnum á að verða svaka brún og fín á frönsku ríveríunni í sumar.

Kanski maður hafi tíma og nenni til að skrifa meira þegar líður á sumarið.

Au revoir.

Það er aldeilis orðið jólalegt hérna í winter wonderland.
Eftir nokkra daga hér í algeru snjóleysi byrjaði að moksnjóa í nótt og hefur ofankoman ekki stoppað í allan dag.
Snjórinn er núna um 40 cm og það er allt orðið hvítt.

Við erum búin að koma okkur fyrir í íbúðinni okkar, Kisu líður mjög vel og vill bara halda sig inni, enda er hún ekkert sérstaklega hrifin af þessum snjó.
Skálinn sem við verðum að vinna í er mjög flottur, förum á skíðum í vinnuna og lyftuna heim, maður smellir bara á sig skíðunum útí garði, skíðar niður brekkuna og eftir um 5 min skíðerí kemur maður í lyfturnar...  ekki slæmt það.

Jæja, ætla að koma mér í sturtu og horfa á sjónvarpið, erum með sky afruglara hér og rúmlega 100stöðvar. :)

Jæja, við erum svona að koma okkur fyrir í fjallaþorpinu Meribel í frönsku ölpunum.
Vinnan byrjar á smá þjálfun í fyrramálið,  verður fróðlegt að sjá hvernig þetta fer.

En einsog áður hefur komið fram þá fórum við svolítið langa leið hingað, flugum til ítalíu, keyrðum 3klst í suður til að sækja búslóðina og kisu, og svo aftur í norðurátt, í átt að frakklandi.

Þessu fyrirkomulagi fylgdi hinsvegar smá vesen, því bílaleigubílnum þurftum við nefnilega að skila á ítalíu, því varð borgin Torino fyrir valinu, þarsem hún er frekar stutt frá landamærunum.
Var ákveðið að ég færi einn í þetta ferðalag, þarsem lestirnar eru frekar dýrar og munar um að kaupa 1 eða 2 miða, sérstaklega þarsem þetta átti að vera stutt og auðvelt ferðalag....   En þetta reyndist verða allt annað en stutt né auðvelt....
Ég keyrði af stað og eftir um 3.5 tíma skilaði ég af mér bílnum í Torino.
Beið í hálftíma eftir rútu á lestarstöðina, og komst að því að lestin færi ekki fyrren eftir 3 tíma, þannig að ég beið... og beið... og beið, aleinn á torgi þarna að lesa Týnda táknið eftir Dan Brown, fínasti tímaþjófur það.

Svo þegar kom að lestinni og ég fór um borð að leita að sætinu mínu, Það eru nebblega númer á miðanum... sá ég mér til skelfingar að ég hafði verið settur í sæti við hliðiná risastórum svertingja í jakkafötum og á móti einstaklega steiktum strák frá marokko, sem var upptekinn að huga að sári á puttanum sínum, vefja utanum það pappír og sulla yfir það kóki... ekki spurja mig afhverju, og stóri svarti fór að skammast í honum og þeir fóru að rífast... og þetta var fyrsta hálftímann af 3 tíma ferðalagi... en við landamærin stoppaði lestin og um borð kom askvaðandi franska landamæralögreglan, þungvopnaðir og fóru að heimta vegabréf af öllum, og eftir mikil læti um borð voru nágrannar mínir báðir leiddir burt í járnum, ekki með dvalarleyfi. Mér skildist á þessum svarta að hann væri diplómati frá Senegal... einsog reyndar flestir senegalar sem maður hittir... Ég saknaði þeirra ekki, því þarna var ég kominn með hellings aukapláss fyrir mig, þannig að ég dreifði betur úr mér, þartil löggan snéri sér að mér.... ekkert mál, rétti þeim vegabréfið og þeir tóku upp smásjá og gaurinn með smásjánna kallaði á fleiri vini sína sem líka skoðuðu vegabréfið mitt, fóru þeir svo með það fram þar sem enn fleiri skoðuðu það....  Ég var kominn með smá hnút í magann að íslensku vegabréfasmiðirnir hefðu klúðrað einhverju.. en eftir 10-12 min fékk ég það aftur með bros á vör.

Rétt náði svo að hoppa um borð í tengilestina þegar hún var að skríða af stað... 2 misheiðarlegir strákar héldu hurðinni meðan ég hoppaði um borð og byrjuðu um leið að selja mér stolin úr... alveg hressir, en þeir voru alveg meinlausir og hjálpuðu mér að finna stoppistöðina mína ofl, frakkar eru nebblega ekkert mikið fyrir að merkja stöðvarnar sínar né lýsa upp þau litlu skilti sem eru á sumum stöðvum.

En ég náði heim uppúr 11 um kvöldið eftir 14 tíma ferðalag.

Ég er enn að leita að minniskortalesara hér í kössunum svo ég geti hent 2-3 myndum á facebook...

Au revoir...

Hóóóóóóóo

Ætli maður verði ekki að setja inn nokkrar fréttir, af nógu er að taka enda frekar langt síðan hér var skrifað síðast.
Í stuttu máli gerðist þetta...

- Við kíktum til íslands í 3ja vikna heimsókn.
- Við náðum ekki að hitta nógu marga eða kíkja á djammið vegna vinnu við íbúðina. (sjá næstu línu)
- Skiptum um leigjanda í íbúðinni á laugavegi, og vorum þar nánast allan tímann að mála og laga allskonar misbresti í íbúðinni
- Ég fékk hangikjöt að borða.
- Við fórum útí leifsstöð á þriðjudagsmorgun kl 05:30, ósofin. Og fórum í loftið kl 07:00
- Við misstum af fluginu frá london til Pisa því hel****S iceland express voru hálftíma of seinir.
- Við keyptum nýtt flug til Bologna á ítalíu síðar um daginn, nokkuð mörgum evrum fátækari...
- Fengum bílaleigubíl þar og lögðum af stað til chianti sem er tæplega 3 tíma keyrsla
- Náðum í kisu og búslóðina og keyrðum af stað til Frakklands.
- Keyrðum í nokkra tíma og fundum okkur hótel í genóva, þarsem Kisa fílaði sig í botn, algjör prinsessa.
- Keyrðum svo í dag, (miðvikudag) hingað upp til Meribel sem er í 1600 metra hæð og erum byrjuð að koma okkur fyrir í íbúðinni okkar.

Vorum mjög heppin með bílaleigubílinn, lentum á fiat chroma, sem er snilldar station bíll, 6 gíra og komst auðveldlega uppí 150km hraða á innan við 3000 snúningum...
Aðeins þægilegri bíll en litla fíat pandan sem við fórum á í þetta ferðalag síðast og komst réttsvo uppí hundrað...

En okkur líður mjög vel hérna, vatnið í krananum er að ég held betra en það íslenska, gott að þurfa ekki að bera vatnið inn í flöskum úr búðinni og Kisa fílar sig í botn hérna, kúrir bara í okkur og malar.

Jæja, segjum þetta gott í bili.
Bestu kveðjur úr 1600 metra hæð í Meribel, France.
Au revoir....

Jæja, ætli það sé ekki best að láta aðeins vita af sér hérna á ítalíu.

Við erum semsagt búin að koma okkur fyrir hérna í Greve In Chianti.
Gullfalleg sveit með miklu útsýni, hótelið er 4 stjörnu og gaman að vinna í eldhúsinu, en um leið mjög erfitt.
Dagarnir eru 13 - 15 tíma langir og bara frí á mánudögum.
Maturinn hér er mjög vandaður og góður, við erum 2 kokkar hér og einn aðstoðar í eldhúsinu á kvöldin og
við erum að taka svona 20 manns að meðaltali í mat.
Það er mjög gaman að fara útí garð bara þegar vantar ferskar kryddjurtir, hér vex mynta, salvía, timjan og hellingur af rósmarín þannig að maður röltir bara út með skærin þegar vantar krydd.
Svo fórum við útí garð um dagin og týndum fíkjur af trjánum og erum að búa til sultu og ís úr þeim.
Semsagt, mjög spennandi.

Íbúðin okkar er mjög fín, rúmgóð og vel staðsett í miðbæ greve sem er lítill bær með um 4000 íbúa og hótelið
í 5 min keyrslu upp í fjöllin þaðan.
Síðustu helgi var svaka vínfestival í miðbænum, Flestir framleiðendur Chianti vína voru þar að kynna vínin sín og fólk labbaði á milli bása að smakka, ég náði nú ekki miklu af þessu sökum vinnu, en náði samt að kíkka smá á þetta.

Jæja, drekkutíminn búinn í bili, best að skoppa út og ná í smá rósmarín.

Ciao Tutti :)

Jæja, þá er sumarið á enda, allavega þarna hjá ykkur... :)
Hér er enn um 30 stiga hiti en ummerki haustsins eru farin að sýna sig, golan notalega kíkir reglulega á mann og það er bara nokkuð bærilegt að vera úti, svona miðað við hitabylgjuna sem var hér í ágúst þarsem hitinn fór daglega í 40 stig og hitinn var um 28 stig á nóttunni.
Maður náði nú ekki löngum nætursvefni í þessum hita, en lifði það af.

En það eru tíðindi, við erum að flytja út hringiðu flórensborgar og stefnan er sett á uppsveitir toscana héraðs,
nánar tiltekið upp í Chianti héraðið þarsem ég verð sous chef og Inga í ýmsum þjónastörfum.
Þetta verða mikil átök í 2 mánuði, unnið 6 daga vikunnar á 12-14 tíma vöktum en launaseðillinn mun líka verða ánægjulegur eftir þetta, og það sem meira er, gæinn sem á þetta þekkir til í ölpunum, bæði svissnessku, ítölsku og frönsku, og er með díl við þá menn að skiptast á starfsfólki, því sumar sísonið er búið í lok október og skíðatíminn byrjar um miðjan nóvember...   Þannig að þetta lítur vel út.

Nú þessi staður heitir Villa Bordoni, lítið sveitahótel í um 10 min keyrslu frá miðbæ Greve in Chianti og er malarvegur að hlutatil þannig að þetta er nokkuð afskekkt.
Eigandinn er að vinna í að finna okkur húsnæði, ef ekkert finnst í hinum húsunum tveim þarna við hliðiná hótelinu, förum við í miðbæ greve, og ætlar hann að leigja handa okkur vespur til að komast til og frá vinnu,
sem er bara gaman :)  Geta krúsað um sveitavegina á litlum Ding Ding á frídögunum.

Nú, þetta er semsagt 4 stjörnu hótel, með svaka flottum veitingastað, einhverjar myndir munu væntanlega detta inn á fésbók síðar, en matseðillinn þarna breytist 2-3 í viku, þannig ég á eftir að læra fullt, og vonandi fá að leggja eitthvað af mörkum :)
Hægt er að skoða hótelið á www.villabordoni.it



Ég veit ekkert hvernig netsambandi þarna er háttað í íbúðinni okkar þannig að kanski verðum við bara netlaus.

Annars verður nú pínu sorg að yfirgefa fínu íbúðina, veröndina og garðinn hérna í flórens en það tekur bara betra við... vonandi...

Verið sæl að sinni elskurnar mínar.
Ciao.